Les mots surlignés font l'objet d'une note
1Monsieur, jay receu celles quil vous a pleu m’escrire du XXVIe juin, vous mercient bien
2humblement des nouvelles quil vous a pleu me departir. Je ne puys, monsieur,
3en contrechange vous faire aulcun discours que de mon estat particulier. Cest que
4monsieur le lieutenant general d’Aix, que le roy avoyt ordonné pour commissaire à monsieur
5d’Aubiguan sur le deschargement de ma curatelle, est en ce lieu, faict
6troys jours, avec sa commission. Jay prié toutz mes parens et voisins de
7ceste province de my assister. Et sont icy : monsieur de St Sernin vostre
8frère, messieurs d’Oraison et de Riez, monsieur de La Coste, messire l’escuyer
9de Matz y a esté, le sieur Fortias d’Avignon et Alixi Geoffroy d’Aix sont aussy
10pour auditeurs. Et monsieur ladvocat Joannés a esté choysi pour curateur en ce faict.
11Puys quatre ou cinq jours, nous travaillons en la veriffication des meubles
12descris en l’inventaire, en quoy jay telle assistance des seigneurs que dessus,
13quil ne sera jour de ma vie que je ne demeure infiniment obligé
14à leur bonne et singulière affection en leur mon endroict pour la bonne
15preuve quilz men font en ce faict icy. Mais jeusse desiré merveilleusement,
16monsieur, que Dieu m’eut faict ceste grace que ceste bonne compagnie
17eust encores esté honnoré de vostre presence, me reputant neantmoins
18si redevable pour lamitié et affection quil vous plaict conserver en mon
19endroict, que jen demeureray tousiours affectionné à vous faire d’aussy bon
20cueur service, que je presente avec mon frère noz plus humbles
21ecommandations à voz bonnes graces et de Madame de Gordes, priant le Créateur
22Monsieur vous donner en parfaicte santé ses graces très saintes. De Sault ce
23IIe aoust 1572
24Vostre plus affectionné et obeissant à vous
25faire service
26Sault
27Monsieur sil vous plait je presenteray par
28ce mot encores mes plus humbles recommandations
29à la bone grace de madame de Gordes